آیرولموشدور آسماندان   بیر قُودا گول یئره گلیر         بولوت چالیر هَلِی قهسسی یئرنن گوی  بیر بیره گلیر

دوزیلمیش داغ باشی درنا  چالینیر چنگ اینن سورنا     بولوت ائدمیش  نو و کهنا  گئریدن بیر تیره گلیر

یایخیلانیر سئل دره ده  هایلار جوشیر حنجره ده         گوزیم قالموش پنجره ده  نازلی یاروم بورا گلیر

بولوت سیززیر آق گوزینی   داغدان آلیر زیرمیزینی         گئنه گوللار قیرمیزینی  گویدن آتیر یئره گلیر

یئل بوکولمیش یول اوزوننه  چوبا ن بورکی گول اوزیننه گول بویانمیش چول اوزوننه جوشموش بولبول ایره گلیر

بوقولموش آیریلیق سسی  دوغولموش ائل هم نفسی توکیلمیش هیجران کررره سی  خزان گونلر پیره گلیر

ازلدن آیریلان یاریم  منیم ائلیم روزگاریم                      سرگلی یوخ جیرانلاریم  قوشولموش بیر بیره گلیر

بولوت اولیر دیلیم دیلیم  یئره سریر گولگز گیلیم            هوالانموش شیرین دیلیم   گئنه دوران سیره گلیر

اجاق یانیر ائل داغئننا  گوزیم یاشی چیراغیندا            گئنه چملر قیراغیندا  آق دوممالاق گیره گلیر

چکیب سس سسلره ساربان  اوزانموش یوللارا کاروان  بیکیل بیر باخ سنه قوربان اوچیب بوردان قیره گلیر

بولوشموش ائل صنم لری  بزدمیش قاش قلم لری       غریب اصل کرم لری  چارشوا گول دوره گلیر

چکمیش اوکه گیلیم باغلار  بولبول اوخور جیگر داغلار    دفک توتموش قره داغلار  اوچی لاردان زیره گلیر

چیخیر آینالار خورجیندان  سوز دئیر لیلی مجنوندان       فرهاد ائلینگ قولونجوندان  قچیر دیزی یئره گلیر

سینماییدی گوزیم دمی  یهو توتدی اوزیم دمی           قوشما اولدی گوزیم دمی  گرایلیم بیر بیره گلیر