شرم ائدمئیرنگ گؤیَه باخان گؤزلردن؟
گؤز یاشینا باتان نازلی او٘زلردن
بو یالواران اوتدان بَتَر سؤزلردن
بس دئر داها ظلم ائیلمه یاغ یاغیش
٭٭٭٭٭
قورروموشدور چایلاروموز چؤلیمیز
سونا لاردان خالی اولموش گؤلیمیز
سَسدن دو٘شمیش بیزیم آغیر ائلیمیز
داشلار ناله چکیر آغلئیر داغ یاغیش
٭٭٭٭٭٭
قره گئیمیش گؤی بولاغلی داغوموز
کوربایغوشلار یئری اولموش باغوموز
سینمیش صراحی موز آغلئیر ساقی موز
تورپاق یاغیر هوا ایسسی داغ یاغیش
٭٭٭٭٭٭
قره ایل لر اَلیمیزی باغلادی
آج اوشاقلار سویوزلیگدان آغلادی
آنالار ناله سی جیگر داغلادی
گئد کی جیگرینگه دو٘شسین داغ یاغیش
٭٭٭٭٭٭
بئیه دریالارینگ سویی قوررودی؟
غم تورپاقی بیزیم گؤیی بورریدی
بسکه یول گؤزلدیم عمروم چوررودی
گؤزلریم قره سی اولدی آغ یاغیش
٭٭٭٭٭
یاغ تا گئنه سونا گَله گؤل لره
شیدا بولبول قوناق اولا گو٘ل لره
گَل گَل جیران گله گو٘للی چؤللره
گو٘له باتا بو قورروموش باغ یاغیش
٭٭٭٭٭
یاغ تا گئنه گو٘لمَگ گله او٘زلره
عشق و امید جان گتیره دیزلره
محبت قریشه شیرین سؤزلره
یارالی او٘رَگلر اولا ساغ یاغیش
٭٭٭٭٭٭
اگر یاغانگ بورا گو٘للی یاز گله
سونا گله درنا گله باز گله
غم یئرینه شادلیگ گله ساز گله
اوننا دئرَم او٘زینگ اولسون آغ یاغیش