عشق ویروسو (نوذر استوار)

نه وارلیگی کَله یئریم دوُلدوریر
نه یوخلیگی خلاص ائدیر اؤلدیریر
گاس کرونا ویروسی دئر  غافل دن
آلازلئیر آدامی    سورا بیلدیریر
هردفعه ال یویرام دئیرم خلاص دئر
سیرریلیر الیمدن  خلقی گو٘لدیریر
بوُینومی اینچلدمیش ائدمیش قیل ایپی
اوُتورموش بوجاقا  اؤزی قیل دو٘ریر
نه یاشومه باخیر نه آق باشوما
قوُجالیگدا نه ایشلری قیلدیریر
بیرعمر سن داشلایانگ شیطانی گؤررنگ
سویا وئرمگ ایچین دوروب گو٘ل دیریر
نفسی تنگ ائدیر هات هاتا سالیر
تک لیگ ریشه سینی سویا چالدیریر
من توتموشام شاللا سیزلر توتمیانگز
نه کار ائدیر درمان ، نه ده اؤلدیریر

             

عشق(نوذر استوار)

عشق بیر زلزله دئر   هر یئره چاتدی قومورور

آجیری دمیری داشی   پی و بستی یومورور

 

عشق بیر زلزله دئر  گلنده بی سَس گلیور

یاشا باخماز باشاباخماز  لاشا کرکس گلیور

 

عشق بیر زلزله دئر  مذهب و ایمان تانوماز

سِوَه هر دری آچا  دلیل و برهان تانوماز

 

عشق بیر زلزله دئر   گلدیگی گولمگ گَتیرئر

اورَگه اوت سالیور  گوز یاشی سیلمگ گتیرئر

 

عشق بیر زلزله دئر  فرهادا داغ یوندوریور

مجنونی ویلان ائدیب  وامقی یول دا یوریور

 

عشق بیر زلزله دئر  سیندیرَن اوزی بیتدیرن

هم نالا ووریر میخه  هم بولان اوزی ایتدیرن

 

سیزه بو زلزله قیسمت  اوتونا یانمالی دئر

هرکیمی توتدی بو اوت  سوزلری اینانمالی دئر