حسنعلی اولنمگی _ از مجموعه "بالدان شیرین(شعر چیقینی) - نوذر استوار
حسنعلی اَولَنمَگی
اُندا کی ایلخانی ، کیخا واریدی هر اُبانینگ اَیَسی بیر خانیدی
قانونیدی هر کیم هر ایش گؤریردی ایجازّاسینی اؤز خانی وئریردی
حسنعلی تله بازلی تُوی ائتدی کیخا ایجازّاسینی باشدان آتدی
خبری چُوخ تئز کیخایا ائتیشدی هرکیم دئدی حسنعلی دَن گَچدی
حسنعلی احضار اولدی سابا تئز ائتیشدی قولدوقا قورخموش آلا گؤز
عذر ایستَدی کیخانینگ محضریندَن وارد اُولدی اوّل خواهش دَریندَن
کیخا دئدی اینّی بیر لوک وئرَسینگ بو گوناهینگ تَقاصینی گؤرَسینگ
حسنعلی دئدی منیم لوک یُوخوم من یَتّیمم منیم بیر بؤیؤگ یُوخوم
کیخادان اصرار بو کیشی دان انکار گَپ لَری بیربیری وورمادی انگار
حسنعلی دئدی کیخا گَلینی الله یولوندا وئرمیشلَر اَلینی
من بینوا من بیکسینگ اَلینَه قورد دوشایدی خبر وئرَن دیلینَه
آن ایچَرَم دونن گئجه بیر آقاج گَلین ایندان بو گناهکارِ ویرّاج
اؤز اُورتاموزا قویموشاگ یاتموشاگ کیشی زیفه لیگی باشدان آتموشاگ
کیخا مندَه نه لوک واروم نه قویون گَل داها باشوما توتما سن اویون
گلینی من بویگین یولّارام گئری ایلَرکی تَکّی من تک سالدام یئری
بو حیله ینان گَپیندان حسنعلی کی گؤینیزدا اونا شاد دِیَنگز دَلی
کیخانینگ توتولموش تصمیمین دَیشدی دووه وئرمگینگ تاوانوندان قچدی
