قینامایینگ  من قوجایی

داها زنگیم دیلی دوشدی

دیز یوخ گزم من اوجایی

داغی گزمگ مندن گچدی

 

بولبول کیمین دار قفسده

قیزیل گول لار وار هوسده

یوخدور توان بو نفسده

شیدالیگیم گویندن اوچدی

 

قوجالیگیم گلدی چاتدی

جوانلیگیم گونی باتدی

نچین اقبال مندن یاتدی

قرین گورگ داها باشدی

 

قوجالیگا سلام دئدیم

اوشاغلیگا بالام دئدیم

گل دردینگی آلام دئدیم

عومر اکینیم  کیملر بیچدی

 

گلدی گچدی باشدان بئش گون

من اولموشام قوجا دوشگون

هارا گئتدی زولفی مشکین

قره تئلیم واری ساچدی