*تیفانلی گئجه یدی بیر قارا چادیر*

*سئل گلدی آپاردی قاریم داشیمیز*

*سیندیردی دیره گی قازدی تَنَفی*

*ییخدی چادیر آچیق قالدی باشیمیز*

 *قویمادی روزیگار یاشایاگ چؤلده*

*داغلارینگ دامانی بیرآغیر ائلده*

*یایلاقدان؛قیشلاقا گوْلزاردا گوْلده*

*گون به گون دولاشیق اولدو ایشیمیز*

 *گئدی ائلخان الدن وئردیگ بیرلیگی*

*ائیناق ائلی مال و ماشی دیرلیگی*

*جؤور الیندن چکدیگ خوار و کورلیگی*

*چؤل بیابان قوررو قالدی قاشیمیز*

 *تفرفه ائل اولدیگ قچدیگ هریانا*

*یاری قچدیگ یاری گلدیگ اؤوغانا*

*اؤوچولر اوخوندان باتدیگ آل قانا*

*دیزدن دوشدیگ یئره گلدی باشوموز*

 *آغیرتیفان ییغدی ائلینگ بساطی*

*باتیرددی گَللاهی؛رَمّه یی؛آتی*

*آل یازیق؛مشک ساتان زرقانلی تاتی*

*پیش ساتماگا گئجه گؤردو دوشومیز*

 *ائلیمیزده کور اوغولو چؤخودو*

*بیری بهمن فرنگ ده درس اوخودو*

*الحق تایی یئراؤزونده یوخودو*

*بودردلر دن یارالانی دؤشومیز*

 *کیملر یازدی بوآچچی سرگوذشتی*

*حیدر؛بوستان؛خوردول؛مَسیح ودشتی*

*فلک یامان آتدی ائلیمینگ خیشتی*

*هیه دردلرچؤخ دور؛خوب یولداشیمیز*

 *یازدیگلاریم مینگ دن بیری ده ییلدی*

*قاپو تخته ائل و اوبا سؤیولدو*

*ظولملار چؤخو بئله بنا قؤیولدو*

*داغوددیلار؛یوردوموز؛یورد ؛داشوموز*

 *ورق؛ورق ائتدیم یالان  تاریخی*

*آدوسانلی ائلیم هئچ آدی؛ یؤخو*

*ایناندیم بوتاریخ تحریف دیر چؤخو*

*چؤخ پئس بؤرکه گَررینمیشدیر باشیمیز*

 *کندلر کونجو ائیناق ائلیم وای بیزه*

*گوللوچؤلیم اوزاق یولوم وای بیزه*

*بو دردلری یازماز قلم وای بیزه*

*عبث گچدی گچن مینگ لر یاشوموز*

*پریشان اووقاتوم قیل اینن قالدا*

*سان کوچمیش قافیله قالمیش دیر دالدا*

*بو دَلی گؤنگولوم  چؤخ یامان حالدا*

*بایراما دونه یدی قارا قیشیمیز*

 *آغیرائل بیر اولا ؛دایانا گله*

*غفلت اوخوسوندان اویانا گله*

*بایداغلار بویاغا بؤیانا گله*

*بخشی گؤره شؤوقدان آخیر یاشیمیز*
 

*جهانبخش بخشی چگینی*